Еркебұлан Тұңғышбаев: "Қола алу үшін қолдан келгеннің барлығын жасаймыз"
— Еркебұлан, жеңістеріңіз құтты болсын! Ойын туралы өз ойыңызбен бөліссеңіз ...
— Рақмет! Ойын өте қиын болды. Өйткені, үшінші орын үшін таласта "Окжетпес" біздің басты бәсекелестеріміздің бірі. Бірінші таймда жылдам гол соғып алғанымыз дұрыс болды. Сөйтіп, қарсы шабуылға иек артып, қорғанысқа көп көңіл бөлдік. Әйтпесе, "Оқжетпес" ойыншылары жылдам ғой. Қорғаныстан шабуылға тез шыға алады. Оны "Астанада" өткен кездесуде (0:2 - ред) дәлелдеген еді.
— Астанада жіберген есе қайтарылды деп айтуға болады ма?
— Біз бұл ойында кек қайтару үшін емес, үш ұпай үшін ойнадық. Бастысы, жеңгенімізге қуаныштымыз.
— Алматыда «Ертіс» жеңілді. Бұл «Ордабасыны қола жүлдеге тағы бір қадам жақындатады ма?
— Иә. Мысық тілеулес емеспін. Бірақ, «Ертістің»жеңілгені біз үшін жақсы жаңалық.
— Сіздер соңғы үш ойында жеңіске жеттіңіздер. Команда жігіттерінің көңіл-күйлері көтеріліп қалған шығар?
— Дұрыс айтасыз. Жеңіске жеткен сайын өзіңе деген сенімділік арта түседі. Қазір біздің команданың психологиялық жағдайы жақсы.
— Ел біріншілігінің аяқталуына бес тур қалды. «Ордабасы» осы үшінші орынды сақтап қала алады ма?
— Біз қола алу үшін қолдан келгеннің барлығын жасаймыз. Оның үстіне соңғы бес ойынның үшеуін біз өз алаңымызда өткіземіз. Өз жанкүйерлеріміздің алдында жерге қарап қалмауымыз керек.
Уалихан ҚОСАНБАЙ
| № | Команда | И | М | О |
|---|---|---|---|---|
| 1 | Ордабасы | 30 | 59-23 | 68 |
| 2 | Қайрат | 30 | 60-23 | 65 |
| 3 | Астана | 30 | 48-31 | 54 |
| 4 | Оқжетпес | 30 | 49-38 | 54 |
| 5 | Ақтөбе | 30 | 47-39 | 49 |
| 6 | Елімай | 30 | 43-44 | 45 |
| 7 | Тобыл | 30 | 42-42 | 41 |
| 8 | Жеңіс | 30 | 32-40 | 36 |
| 9 | Ұлытау | 30 | 27-38 | 35 |
| 10 | Қызылжар | 30 | 31-42 | 33 |
| 11 | Каспий | 30 | 32-44 | 33 |
| 12 | Ертіс | 30 | 31-44 | 32 |
| 13 | Атырау | 30 | 27-35 | 30 |
| 14 | Алтай | 30 | 31-42 | 28 |
| 15 | Жетісу | 30 | 31-49 | 27 |
| 16 | Қайсар | 30 | 25-41 | 25 |
