Асхат Тағыберген: "Бізге бүгін тек жеңіс керек еді"
— Асхат, жеңістеріңізбен құттықтаймыз. Ойын туралы өз ойыңызбен бөлісе кетсеңіз ...
— Рақмет. Ойын біздің жоспар бойынша өтті десе болады. Ел біріншілігінің аяқталуына да санаулы тур қалды. Сондықтан, чемпиондық атақты уыстан шығарып алмау үшін, бүгін бізге міндетті түрде үш ұпай керек еді. Біз өз тапсырмамызды орындадық.
— Сіздер Ақтөбеге Кипрден екі күн бұрын ғана келген едіңіздер. Қазір аптасына 2-3 кездесу өткізіп жатырсыздар. Қиын емес пе? Шаршап қалып жатқан жоқсыздар ма?
— Бір аптада екі кездесу өткізген әрине қиын. Оның үстіне біз 3,5 мыңдай шақырым жол жүрдік. Ауа-райы бірден ауысқан соң да бейімделу қиындау болады. Аз-маз шаршау байқалды. Бірақ, бізге бүгін тек жеңіс керек еді. Оның үстіне бұл ойынға біздің біраз ойыншыларымыз түрлі себептерге байланысты қатыса алмады. Бүгін біз сол жігіттерді жоқтатпауға тырыстық.
— «Ақтөбе» Сізге бөтен команда емес. Өзіңіздің бұрынғы клубыңызға қарсы кездесу өткізу қиын болған жоқ па?
— Жоқ. Мен «Ақтөбеге» қарсы кездесуді асыға күттім. Ақтөбенің стадионында ойнаудың өзі бір керемет дүние ғой. Жанкүйерлері ерекше қолдайды. Мені жақсы қарсы алып алды. Қазақстанның барлық аймағында жанкүйерлер осындай болса ғой шіркін.
Уалихан Қосанбай
| № | Команда | И | М | О |
|---|---|---|---|---|
| 1 | Ордабасы | 30 | 59-23 | 68 |
| 2 | Қайрат | 30 | 60-23 | 65 |
| 3 | Астана | 30 | 48-31 | 54 |
| 4 | Оқжетпес | 30 | 49-38 | 54 |
| 5 | Ақтөбе | 30 | 47-39 | 49 |
| 6 | Елімай | 30 | 43-44 | 45 |
| 7 | Тобыл | 30 | 42-42 | 41 |
| 8 | Жеңіс | 30 | 32-40 | 36 |
| 9 | Ұлытау | 30 | 27-38 | 35 |
| 10 | Қызылжар | 30 | 31-42 | 33 |
| 11 | Каспий | 30 | 32-44 | 33 |
| 12 | Ертіс | 30 | 31-44 | 32 |
| 13 | Атырау | 30 | 27-35 | 30 |
| 14 | Алтай | 30 | 31-42 | 28 |
| 15 | Жетісу | 30 | 31-49 | 27 |
| 16 | Қайсар | 30 | 25-41 | 25 |
