Эдин Юнузович: "Ордабасыдан" аз-маз ақша алып отырмын"
— Эдин, қалыңыз қалай? Денсаулығыңыз дұрысталайын деді ма?
— Рақмет. Жағдайым жаман емес. Қазіргі уақытта Шымкенттемін. Маған дәрігерлер арнайы бағдарлама дайындап берген. Сол бойынша жаттығу жасап жүрмін. Жаттығу залына да барып тұрамын. Бір айдың көлемінде жүгіріп те бастайтын шығармын. Оған дейін тіземнің толық жазылғанын күтемін.
— Сіз қазір «Ордабасы» сапында жоқсыз. Яғни, команда тізімнен шығарып тастады. Бірақ, қателеспесем Сіздің келісім-шартыңыз жылдың соңына дейін еді ғой. Жалақыны Сізге сонда «Ордабасы» төлеп отыр ма?
— Расында менің «Ордабасымен» шартнамам жылдың соңына дейін. Нақтырақ айтатын болсам, 31-ші қарашаға дейін. Команда құрамынан шығып қалғаным рас. Өйткені, жарақатым ауыр болды. Менің орныма басқа шабуылшыны тіркеді. Жалақы туралы мен нақты ештеңе айта алмаймын. Тек «Ордабасыдан» аз-маз ақша алып отырмын дей аламын.
— «Ордабасымен» келісім-шартты ұзартуға қалай қарайсыз?
— Мен қарсы емеспін. Бірақ, соңғы шешімді басшылар шығарады. Толық емделіп алайын. Сосын өзімнің мықты шабуылшы екенімді дәлелдеймін.
Уалихан Қосанбай
| № | Команда | И | М | О |
|---|---|---|---|---|
| 1 | Қайрат | 26 | 53-19 | 59 |
| 2 | Астана | 26 | 66-30 | 57 |
| 3 | Тобыл | 26 | 45-25 | 54 |
| 4 | Елімай | 26 | 47-31 | 48 |
| 5 | Ақтөбе | 26 | 39-29 | 43 |
| 6 | Жеңіс | 26 | 37-30 | 36 |
| 7 | Ордабасы | 26 | 37-28 | 35 |
| 8 | Оқжетпес | 26 | 37-43 | 35 |
| 9 | Қызылжар | 26 | 25-32 | 27 |
| 10 | Ұлытау | 26 | 20-41 | 23 |
| 11 | Қайсар | 26 | 24-42 | 22 |
| 12 | Жетісу | 26 | 19-43 | 21 |
| 13 | Атырау | 26 | 22-45 | 19 |
| 14 | Тұран | 26 | 25-58 | 16 |
