Қазақстан Ұлттық құрамасы Черногорияға жетті
6 сағаттық әуе жолы футболшыларды қатты шаршатпады. Черногория астанасы Подгорица қаласында ауа-райы +13 градусты көрсетіп тұр. Жаңбыр жауып, күн салқындау. Футболшылар дәл қазір түскі асқа барып, одан кейін тынығады. Сосын бірден кешкі жаттығуға кіріседі. Осы ортада ойын алдындағы бас бапкерлердің баспасөз мәслихаты өтеді.
Ал, ұшақтан түсісімен біз құраманың аға бапкері Нұркен Мазбаевпен сұқбаттастық:
— Өздеріңіз байқаған шығарсыздар, жол өте жақсы болды. Жайлы ұшып, жайлы қондық. Ең бастысы футболшылар шаршамады. Мұндағы ауа-райының осылай болатынын болжап келдік. Бүгін жаңбырлы болғанымен, ертең күн шуақты болады деп күтілуде.
— Ұлттық құраманың Алматыда дайындалғанының да бір құпиясы бар сияқты. Өйткені, Подгорица мен Алматының ауа-рай ұқсастау.
- Иә, мұнда негізгі табиғат таулы. Сондықтан, біз алдын-ала жоспарлап Талғарда оқу-жаттығу жиындарын өткіздік. Таулы аймақта аяқдопшылар еш қиналмай, тыныс алулары тиіс. Сол үшін бізге Астанадан гөрі Алматы маңындағы табиғи жағдай қолайлы болатын.
— Ендігі жоспар қалай болады?
— Қазір жігіттерді түскі асқа апаруымыз керек. Сосын жаттығуға кірісеміз. Ең бастысы футболшылар төрт сағаттық уақыт белдеуіне үйренісіп, үлгерулері тиіс. Соны қадағалаймыз. Бапкерлер штабының қазіргі мәселесі сол. Жергілікті ауа-райына және жасыл алаңға бой үйретуіміз керек.
Осы жолы құрамаммен бірге біршама журналистер келді. Олардың қатарында Амангелді Сейітхан, Есей Жеңісұлы, Айбек Қабылша және Қуаныш Нұрданбек бар.
Ермұхамед МӘУЛЕН
Подгорица, Черногория.
| № | Команда | И | М | О |
|---|---|---|---|---|
| 1 | Қайрат | 4 | 6-0 | 10 |
| 2 | Ордабасы | 4 | 7-3 | 8 |
| 3 | Елімай | 4 | 7-3 | 8 |
| 4 | Оқжетпес | 4 | 7-4 | 8 |
| 5 | Астана | 4 | 6-5 | 7 |
| 6 | Ертіс | 4 | 6-5 | 6 |
| 7 | Қызылжар | 4 | 4-4 | 5 |
| 8 | Ұлытау | 4 | 3-3 | 5 |
| 9 | Жетісу | 4 | 4-6 | 5 |
| 10 | Атырау | 4 | 2-2 | 4 |
| 11 | Ақтөбе | 4 | 6-7 | 4 |
| 12 | Жеңіс | 4 | 2-4 | 3 |
| 13 | Қайсар | 4 | 1-3 | 3 |
| 14 | Алтай | 4 | 1-3 | 2 |
| 15 | Каспий | 4 | 2-6 | 1 |
| 16 | Тобыл | 4 | 3-9 | 1 |
