Любиша Тумбакович: "Мужиковтың негізгі құрамда жоқ болғанына қатты қуандым"
– Қазақстан құрамасын ойын алдында толықтай зерттеп тастадық. Соған қарамастан, өз алаңымыздың арқасында жеңіске жеттік. Әйтпесе, ойынды бұлайша жеңіл ұта қоймайтын едік. Футбол деген өте қызық ойын. Алғашқы таймда соққан гол бізге жеңілдік жасады. Футболшыларымыз жеңіске қатты жеткісі келді. Өз алаңымыздағы алғашқы ойында ұтумыз қажет еді. Сол мақсатқа жетіп отырмыз.
– Черногорияның финалдық кезеңге шығуына мүмкіндік бар ма?
– Бұл әзірге екінші тур. Қалған ойындарда жеңісті жолды жалғастыруымыз керек. Біздің басты мақсатымыз - финалдық кезеңге шығу. Ол үшін әр ойында дәл бүгінгідей ойнауымыз қажет. Бірақ, біздің топтағы барлық команда мығым ұжымдар. Польша, Дания, Румыния секілді командалардың да ойы осындай. Топта бәсеке жоғары. Демек, жағдай өте қиын болады деген сөз. Ал, өзіміздің мақсатымыз біреу ғана - Ресейдегі Әлем біріншілігіне бару.
– Йоветич жайлы айтып өтіңізші? Ол Сіздің орынбасарыңыз секілді жүреді ғой?
– Ол өте керемет ойыншы. Алаңда өзін алып жүруі, әріптестеріне көмектесуі бізге үлкен күш береді. Футболшыларға жеке-жеке көмек көрсетеді. Алаңда да, алаңның сыртында да. Маңызды матчтарда мен оған екі ауыз сөз айтамын. Ол соны әріптестеріне тамаша жеткізе біледі. Барлығының басынан сипап, алаңнан шыққандарын шығарып салып, алмасып енгендерді күтіп алып, ілтипат танытады. Командадағы футболшылардың ақылшысы, ағасы іспеттес адам ғой. Ондай футболшысы бар біз - бақыттымыз.
– 2-3 қазақстандық футболшыны зерттедім деп айттыңыз? Олар кімдер екенін анықтап айта аласыз ба?
– Иә, әрине. Айта аламын. Мысалы матчқа дейінгі көрген видеоларымнан түйгенім Сіздердің құрамаларыңыздағы 9-шы нөмердегі футболшы (Бауыржан Исламхан) ерекше талант. Бірақ, бүгін оның ойыны жүрмеді ғой деймін. Сосын, 20-шы нөмердегі шабуылшы өте қауіпті екен. Польшаны сан соқтырған сол ғой. Жалғыз өзі екі доп соққан. Сәл бір мүмкіндік берсек, гол соғып кетейін деп жүрді. Матч алдында мен оны Савич пен Симичке табыстадым. Мынадан көз жазбаңдар деп ескерттім. Ал, матч басталар сәтте негізгі ойыншылар тізімінде 11-ші нөмердегі футболшының (Серікжан Мужиков) болмағанына қатты қуандым. Ол енді Қазақстан құрамасының бас бапкерінің шешімі ғой. Оған араласа алмаймын.
Ермұхамед МӘУЛЕН
| № | Команда | И | М | О |
|---|---|---|---|---|
| 1 | Ордабасы | 29 | 59-21 | 68 |
| 2 | Қайрат | 28 | 57-20 | 63 |
| 3 | Астана | 28 | 46-29 | 52 |
| 4 | Оқжетпес | 29 | 45-37 | 51 |
| 5 | Ақтөбе | 28 | 42-35 | 45 |
| 6 | Елімай | 28 | 40-38 | 44 |
| 7 | Тобыл | 29 | 40-39 | 41 |
| 8 | Ұлытау | 29 | 27-35 | 35 |
| 9 | Жеңіс | 29 | 30-39 | 33 |
| 10 | Каспий | 29 | 31-42 | 33 |
| 11 | Қызылжар | 29 | 29-41 | 30 |
| 12 | Атырау | 28 | 22-32 | 27 |
| 13 | Алтай | 28 | 28-39 | 26 |
| 14 | Ертіс | 28 | 26-42 | 26 |
| 15 | Жетісу | 29 | 29-47 | 26 |
| 16 | Қайсар | 28 | 24-39 | 24 |
