Джордже Деспотович: "Мен бұрын дәл мұндай ауа-райында футбол ойнап көрмеген едім"
— Джордже, ойын туралы өз ойыңызды айтып кетсеңіз ...
— Бүгін біз үшін өте қолайсыз ара-райы болды. Шынымды айтсам, мен бұрын дәл мұндай ауа-райында футбол ойнап көргмеген едім. Мен үшін қиындау болды. Әсіресе қардың үстінде жүгіру қиын. Қарға көміліп қалған алаңда ойнаған сәтте әр ойыншыда жарақат алып қалмасам екен деген ой жүреді. Барлық қырын жақсы көрсете алмайды. Дегенмен, бұл футбол. Ойнадық. Көріп отырсыздар, басымыз жарылып, көзіміз шықпады. Онымен қоса біз кубокты жеңіп алдық. Қазір алаңда болған нәрсенің барлығын ұмытып кеттік. Жеңісті тойлап жатырмыз.
— Ауа-райына байланысты бапкер команданың ойынына өзгерістер енгізді ме?
— Иә. Біз кеше дәл осылай қар ұлпалап жауады деп ойламадық. Қардың тоқтамай жауып тұрғанына байлайысты бапкер біраз өзгерістер енгізді. Допты көп ұстамауымызды сұрады. Әуелетіп ойнауымызды айтты. Шамалы ширак қималдау керектігін түсіндірді. Одан бөлек, ойыншыларды да ауыстырды. Финалға мұндай ауа-райында ойнап көрген жігіттер қосылды. Мен және Малый қосалқы құрамда қалдық.
— Бүгінгі қиын кездесуде командаластарыңыздан кімді екерше атап өтер едіңіз ?
— Бөле-жарып ешкімді айтқым келмейді. Жігіттердің барлығы да бір мақсат үшін ойнады. Дегенмен де, Мокиннің көмегі көп болды. Қиын сәттерде қақпашымыз бізді құтқарып жатты.
— Өзіңіздің ойыныңызды қалай бағалайсыз. Сіз екінші таймда кіріп, ойынға бірден араласып кете алдыңыз ба?
— Мен де бүгін аянып қалмадым. Тіпті гол соғатын бір мүмкіндігім де болған еді. Жалпы, орта деңгейлі футбол көрсеттім деп айта аламын.
— Әңгімеңізге рақмет
Уалихан ҚОСАНБАЙ
| № | Команда | И | М | О |
|---|---|---|---|---|
| 1 | Қайрат | 7 | 11-3 | 15 |
| 2 | Ордабасы | 7 | 12-6 | 15 |
| 3 | Елімай | 7 | 12-7 | 13 |
| 4 | Оқжетпес | 7 | 11-8 | 12 |
| 5 | Астана | 7 | 11-9 | 12 |
| 6 | Қызылжар | 7 | 10-6 | 11 |
| 7 | Жетісу | 7 | 8-8 | 11 |
| 8 | Ұлытау | 7 | 7-7 | 11 |
| 9 | Ақтөбе | 7 | 8-8 | 10 |
| 10 | Атырау | 7 | 5-5 | 7 |
| 11 | Жеңіс | 7 | 3-8 | 7 |
| 12 | Ертіс | 7 | 8-10 | 6 |
| 13 | Қайсар | 7 | 3-7 | 5 |
| 14 | Тобыл | 7 | 7-13 | 5 |
| 15 | Алтай | 7 | 3-6 | 4 |
| 16 | Каспий | 7 | 3-11 | 1 |
