Топтық кезеңдегі алғашқы жеңіс!
Ойын алдында «Астанаға» жеңістен басқа нәтиже керек еместігі көп айтылған еді. Топтан шығатын соңғы мүмкіндік АПОЭЛ-ға қарсы матч болатын. Әйткенмен, алғашқы минуттарда «Астана» футболшыларында өз алаңында бұрын байқалмайтын қобалжу сезілді. Дмитрий Шомко екінші минутта-ақ сары қағазбен жазаланды. Бірінші қауіпті сәт жиырма бесінші минутта орын алды. Шомконың шірене тартқан соққысы қақпадан сәл ғана қиыс кетті. Қонақтар отыз бірінші минутта есеп ашып алды. АПОЭЛ сапындағы ең қауіпті футболшы Эфрем айып алаңға ене бере Ненад Эричтің қақпасына қитұрқы соққы бағыттады. Алыс бұрышқа ұшқан допқа серб қақпашысы қарсы айла таба алмады. Алайда, есепте алға шығысымен, Томас Кристиансен командасы он адаммен қалды. Орталық қорғаушы Астис Джуниор Кабанангаға қарсы тәртіп бұзып, алаңнан қуылды. «Астана» еншісінде бірінші таймда он минуттай уақыт қалғанымен, алаң иелері тұшымды шабуыл жасай алмады.
Екінші тайм басталысымен елордалықтар АПОЭЛ футболшыларын өз қақпасының маңынан шығармады. Джордже Деспотовичта қорғаушының қателігінен кейін тамаша мүмкіндік болған. Дегенмен, Бой Ватерман ерледі. Ал, келесі бір сәтте қателікке бой алдырды. Бұрыштамадан Серікжан Мужиков асырған допты ұстай тұра, қолынан шығарып алды. Қақпашының жанында тұрған Марин Аничич қырағылық танытып есепті теңестіріп кетті. Таразы басын теңестіріп алған «Астана» футболшылары шабуылдауды тоқтатпады. Игорь Шитовтың орнына Таңат Нөсербаевты шығарып, Станимир Стойлов алдыңғы шепті күшете түсті. Қонақтарда шабуылды ойлар дәрмен жоқ еді. Айып алаңы ішіне еніп кеткен допты алға тебумен болды. Азат Нұрғалиев Серікжан Мужиковты алмастырды. «Астананың» қысымы түбі өз жемісін берді. Дмитрий Шомконың пасын айып алаңда шайқаса жүріп голға ұластырған Джордже Деспотович «Астанаға» топтық кезеңдегі алғашқы жеңісті сыйлады.
Еуропа лигасы. «B» тобы. 5-тур.
«Астана»(Астана, Казақстан) - «АПОЭЛ» (Никосия, Кипр) - 2:1
Голдар: Марин Аничич 59, Джордже Деспотович 84- Георге Эфрем 31
Ескертулер: Дмитрий Шомко 2, Неманья Максимович 87, Марин Аничич 89, Джуниор Кабананга 90-Нуну Мораиш 75
Қызыл қағаз: Иньяки Астис 33
«Астана»: Ненад Эрич (К) - Дмитрий Шомко, Марин Аничич, Юрий Логвиненко, Игорь Шитов(Таңат Нөсербаев 77) - Рохер Каньяс, Неманья Максимович - Серікжан Мужиков(Азат Нұрғалиев 81), Абзал Бейсебеков, Джордже Деспотович - Джуниор Кабананга(Сергей Малый 90+3).
АПОЭЛ: Бой Ватерман - Карлао, Иньяки Астис, Роберто Лаго, Живко Миланов - Игор де Камарго(Вандер 63), Нуну Мораиш (К), Винисиус, Георге Эфрем(Яннис Янниотас 81), Статис Алонефтис(Костакис Артиматас 35) - Пиерос Сотириу.
Төреші: Кевин Блом(Нидерланды)
24-қараша. Астана. «Астана-Арена».
Ойынның статистикасы:
Соққылар: 22 — 5
Дәл бағытталған: 7 — 1
Бұрыштама: 3— 2
Офсайдтар: 1 — 3
Допқа иелік ету: 66 % — 34 %
Пастар: 445-197
Пастың дәлдігі: 85 %-71 %
Тәртіп бұзу: 13-9
Сары қағаз: 4— 1
Қызыл қағаз: 0-1
| № | Команда | И | М | О |
|---|---|---|---|---|
| 1 | Қайрат | 7 | 11-3 | 15 |
| 2 | Ордабасы | 7 | 12-6 | 15 |
| 3 | Елімай | 7 | 12-7 | 13 |
| 4 | Оқжетпес | 7 | 11-8 | 12 |
| 5 | Астана | 7 | 11-9 | 12 |
| 6 | Қызылжар | 7 | 10-6 | 11 |
| 7 | Жетісу | 7 | 8-8 | 11 |
| 8 | Ұлытау | 7 | 7-7 | 11 |
| 9 | Ақтөбе | 7 | 8-8 | 10 |
| 10 | Атырау | 7 | 5-5 | 7 |
| 11 | Жеңіс | 7 | 3-8 | 7 |
| 12 | Ертіс | 7 | 8-10 | 6 |
| 13 | Қайсар | 7 | 3-7 | 5 |
| 14 | Тобыл | 7 | 7-13 | 5 |
| 15 | Алтай | 7 | 3-6 | 4 |
| 16 | Каспий | 7 | 3-11 | 1 |
