Ең тәжірибиелі қарсыласты тізе бүктірдік

Алғашқы минуттардан алаңда тең дәрежедегі қарсыластардың жолы түйіскені байқалып тұрды. Алаң қожайындары ретінде Какау жігіттері басымдылықты қолға алып, үшінші минутта Диваней соққан голдың арқасында есеп ашты. Алайда, италяндықтардың капитаны Джеффе он алтыншы минутта таразы басын теңестіріп кетеді. Әйткенмен, алматылықтар үзіліске басымдылықпен аттанды. Матч басынан белсенділік танытқан Дуглас Қайраттың ойындағы екінші добын Миколи қорғаған қақпаға енгізді.

Кездесудің екінші бөлігінде қонақтар күшке енді. Есепті теңестіруге тырысты. Біраз уақыт Игита иелегінен осал тұс таппаған. Бірақ, Дуглас оңбай қателесіп, байқаусызда автогол авторы атанды. Осыдан кейін, «Қайрат» жеңісті жұлып алуға барын салды. Сондай бір сәтте, «Реал Риети» футболшылары Какау шәкірттерін жазалауға шақ қалды. Шабуылда допты жоғалтып, Игита өз қақпасына қайтып оралуға үлгере алмай қалған. Алайда, қақпа алдында қорғаушы табыла кетіп, голдан құтқарып қалды. Ойын соңында қонақтар алтыншы мәрте тәртіп бұзып, төреші «Реал Риети» қақпасына он метрлік айып соққысын белгіледі. Нүктеге келген Диваней мүлт кеткен жоқ. Қайраттың жеңісті голын соқты.

«Қайрат» келесі кездесуін бүгін косоволық «Фениксқа» қарсы өткізеді.

Футзал. Элиталық кезең.                                   

«Қайрат» - «Реал Риети» - 3:2 (2:1)

Голдар: Диваней 3, 39, Дуглас 17 –Джеффе 16, Дуглас 26 автогол

Ескертулер: Дуйо 24

«Қайрат» (Алматы, Қазақстан): Игита, Ронкальо – Упалёв, Нето, Тайеби, Игор, Сүлейменов(К), Алешандре, Дрот, Дуглас, Диваней, Нұрғожин, Барон, Есенаманов;

«Реал Риети» ( Италия): Джонсон, Миколи –Рицци, Джеффе(К), Луизиньо, Сауль, Халими, Корсини, Романо, Педрито, Дуйо, Виейра, Турмена, Чезерони;

Төрешілер: Марк Биркетт (Англия), Камил Четин (Түркия)

24 қараша. Алматы. «Алматы Арена».

Ойынның қысқаша статикасы:

Соққылар: 44-22

Дәл бағытталған: 16-5

Қиыс кеткен: 13-9

Қақпашылардың сейвтары: 5-14

Тәртіп бұзу: 6-8

Ескертулер: 0-1