Абзал Бейсебеков "Астанамен" келісім-шартын ұзартты
23 жастағы қорғаушының келісім-шарт мерзімі 2015 жылдың соңында аяқталған болатын. Бірақ, Бейсебеков басқа клубқа ауыспай, маусым басындағы екі оқу-жаттығу жиындарын елордалық клубпен өткізген. Сол жаттығу жиындарының қорытындысы бойынша, клуб Абзалды командада қалдырып, жаңа келісім-шарт ұсыныпты. Біздің қолға жеткен мәліметтер бойынша, клуб футболшымен шартнамасын тағы бір жылға созыпты.
Айта кетейік, Абзал Бейсебеков "Астана" қатарына 2012 жылы ауысып келген болатын. Ал, оған дейін "Қайрат (2010), "Восток (2011) сапында ойнаған. 2013/14 жылғы маусымда жас қорғаушы Польша біріншілігінде өнер көрсететін "Корона" сапына қосылды. Алайда, шет елде Абзал көп тұрақтамай, 2014 жылғы маусымның басына "Астанаға" қайта келген.
Жалпы, Бейсебеков футболдан ел біріншілігінде осы уақытқа дейін 120 кездесу өткізіп, 2 гол соққан. Чемпиондар лигасында 8 кездесуге қатысса, Еуропа лигасында 10 кездесуде ойнап, 1 мәрте көзге түскен.
Сурет: uefa.ru
| № | Команда | И | М | О |
|---|---|---|---|---|
| 1 | Қайрат | 6 | 9-1 | 14 |
| 2 | Ордабасы | 6 | 10-5 | 12 |
| 3 | Елімай | 6 | 10-5 | 12 |
| 4 | Қызылжар | 6 | 9-4 | 11 |
| 5 | Оқжетпес | 6 | 10-7 | 11 |
| 6 | Ұлытау | 6 | 7-5 | 11 |
| 7 | Астана | 6 | 9-8 | 9 |
| 8 | Жетісу | 6 | 6-8 | 8 |
| 9 | Атырау | 6 | 4-3 | 7 |
| 10 | Ақтөбе | 6 | 7-8 | 7 |
| 11 | Ертіс | 6 | 8-9 | 6 |
| 12 | Жеңіс | 6 | 3-8 | 6 |
| 13 | Қайсар | 6 | 2-6 | 4 |
| 14 | Алтай | 6 | 3-6 | 3 |
| 15 | Тобыл | 6 | 5-12 | 2 |
| 16 | Каспий | 6 | 2-9 | 1 |
