"Астана" Ұлан Қонысбаевты жалға берген
Бүгін "Атырау" клубының ресми сайтында Ұлан Қонысбаевтың команда қатарына қосылып, бір жылдық келісім-шарт жасағаны туралы мәлімет шықты. Бірақ, "Атырау" 26 жастағы футболшыны толық сатып алған жоқ. Өйткені, Қонысбаевтың 2017 жылдың соңына дейін елордалық "Астана" клубымен келісім-шарты бар. Демек, футболшының негізгі жұмыс берушісі "Астана" клубы.
Өткен жылы команда қатарында бәсекелестік тым жоғары болған соң бапкерлер құрамы Ұланды алматылық "Қайратқа" жарты жылға жалға берген еді. Биыл да дәл сондай жағдай қайталанып отыр. Бірақ, бір ғана өзгеріспен. Өткен жылмен салыстырғанда биыл "Астана" сапында бәсекелестік тым жоғары деп айтуға келмейді. Мәселен, қазір команданың негізгі жартылай қорғаушысы қызметін атқарып жүрген Секіржан Мужиков пен Патрик Твумасиді лайықты ауыстыратын футболшы табылмады. Сондықтан, клубтың бапкерлері Қонысбаевты команда қатарында қалдыру туралы ойлаған екен.
Kazfootball.kz порталының тілшісіне белгілі болғандай, бұл жолы Ұлан Қонысбаевтың өзі "Астанаға" келуден бас тартқан көрінеде. Сол үшін де клуб футболшының қалауын істеп, бір жылға "Атырауға" жалға беріпті.
Сурет: vesti.kz
| № | Команда | И | М | О |
|---|---|---|---|---|
| 1 | Қайрат | 6 | 9-1 | 14 |
| 2 | Ордабасы | 6 | 10-5 | 12 |
| 3 | Елімай | 6 | 10-5 | 12 |
| 4 | Қызылжар | 6 | 9-4 | 11 |
| 5 | Оқжетпес | 6 | 10-7 | 11 |
| 6 | Ұлытау | 6 | 7-5 | 11 |
| 7 | Астана | 6 | 9-8 | 9 |
| 8 | Жетісу | 6 | 6-8 | 8 |
| 9 | Атырау | 6 | 4-3 | 7 |
| 10 | Ақтөбе | 6 | 7-8 | 7 |
| 11 | Ертіс | 6 | 8-9 | 6 |
| 12 | Жеңіс | 6 | 3-8 | 6 |
| 13 | Қайсар | 6 | 2-6 | 4 |
| 14 | Алтай | 6 | 3-6 | 3 |
| 15 | Тобыл | 6 | 5-12 | 2 |
| 16 | Каспий | 6 | 2-9 | 1 |
