Польшаға қарсы кімдер ойнайды?
Өзінің алғашқы бәсекесін жерлестеріміз 22 наурызда сырт алаңда өткізеді. Қарымта матч 12 сәуірде біздің елде ұйымдастырылады. Қос кездесуде де Қазақстанның ойыншылары жеңіске жетіп, көздеген мақсаттарына қол жеткізулері тиіс. Себебі, Польша айтарлықтай азулы команда емес. Олар әлем (1992 жыл) және Еуропа (2001) чемпионаттарына небәрі бір-бір реттен қатысты. Алғашқысында екінші кезеңге дейін жетсе, соңғысында бірінші кезеңде сәтсіздікке ұшырады. Поляктар әлемдік рейтингте небәрi 37-ші орынды иеленуде. Әрине, оларға қарағанда отандастарымыздың олжасы көп. Біздің жігіттер Азия чемпионатында екі рет (1999, 2000) және Еуропа чемпионатында бір мәрте (2016) жүлдегерлер қатарына қосылды.
Қазақстан құрамасының бас бапкері Какау Польшаға қарсы кездесуде мына футболшыларға үміт артатынын білдірді: Қақпашылар – Григорий Шамро («Інжу»), Игита, Александр Гуров («Қайрат»). Алаңдағы ойыншылар – Дінмұхамбет Сүлейменов, Серік Жаманқұлов, Михаил Першин, Лео, Дуглас, Шыңғыс Есенаманов, Дәурен Нұрғожин («Қайрат»), Николай Пенгрин, Павел Таку, Александр Гребонос, Арнольд Кнауб, Александр Довгань, Илья Мун ( «Астана-Тұлпар»), Тимур Мұрзабаев, Ерсұлтан Сағындықов («Аят»), Қайрат Иманалин («Інжу») және Ерлан Қарақұлов (ККМ, Ақтау).
Әлем чемпионаты 10 қыркүйек пен 2 қазан аралығында Колумбияда өтеді. Бұл жарысқа төрткүл дүниенің әр қиырынан жиналған ең үздік 24 команда қатысады.
| № | Команда | И | М | О |
|---|---|---|---|---|
| 1 | Ордабасы | 28 | 58-20 | 67 |
| 2 | Қайрат | 28 | 57-20 | 63 |
| 3 | Астана | 28 | 46-29 | 52 |
| 4 | Оқжетпес | 28 | 42-37 | 48 |
| 5 | Ақтөбе | 28 | 42-35 | 45 |
| 6 | Елімай | 28 | 40-38 | 44 |
| 7 | Тобыл | 28 | 39-38 | 40 |
| 8 | Ұлытау | 28 | 27-34 | 35 |
| 9 | Каспий | 28 | 31-39 | 33 |
| 10 | Жеңіс | 28 | 29-38 | 32 |
| 11 | Атырау | 28 | 22-32 | 27 |
| 12 | Қызылжар | 28 | 28-41 | 27 |
| 13 | Алтай | 28 | 28-39 | 26 |
| 14 | Ертіс | 28 | 26-42 | 26 |
| 15 | Жетісу | 28 | 28-46 | 25 |
| 16 | Қайсар | 28 | 24-39 | 24 |
