Артем Касьянов украиналық клубтармен келіссөз жүргізуде
«Осы жылдың соңында менің «Ордабасымен» келісім-шартым аяқталады. Бірақ, маған әлі де клуб басшылары ешқандай ұсыныс жасаған жоқ. Сондықтан да еркін агент ретінде жаңа клуб қарастырып жатырмын. Қазір Украинадамын. Осы жақта екі клубтан ұсыныс түсті. Нақты қай клубтар екенін айта алмаймын. Бірақ, Украина Премьер-лигасында ойнайтын мықты ұжымдар. Дегенмен де, нақты ештеме шешілмеді. Тек келіссөздер жүріп жатыр», - дейді жартылай қорғаушы.
Сондай-ақ Касьянов егер «Ордабасыдан» ұсыныс түсетін болса қуана қарастыратынын және осы уақыт ішінде футболшыға үнемі қолдау көрсетіп келген жанкүйерлерге алғысын айтты.
«Шынымды айтсам, мен «Ордабасы» сапында ары қарай өнер көрсете бергім келеді. Бұл командада қанша жыл тер төктім. Алайда, алда не боларын мен нақты білмеймін. Мүмкін Шымкентке қайта оралатын шығармын. Десе де, осы уақытқа дейін маған қолдау көрсеткен жанкүйерлерге алғыс айтқым келеді. Сіздер мені үнемі қайрап, жақсы өнер көрсетуіме көмектестіңіздер. Сонымен қатар клуб қатарындағы барлық азаматтарға, жалпы «Ордабасыда» жүрген кезімде танысқан адамдардың барлығына да тек рақметтен басқа айтарым жоқ», - дейді Касьянов.
Айта кетейік, Артем Касьянов «Ордабасы» қатарына Одессаның «Черноморец» сапынан ауысып келген еді. Сол уақыттан бері ол шымкенттік команданың сапында бес жыл өнер көрсетті.
Уалихан ҚОСАНБАЙ
Сурет: vesti.kz
| № | Команда | И | М | О |
|---|---|---|---|---|
| 1 | Ордабасы | 7 | 12-6 | 15 |
| 2 | Қайрат | 6 | 9-1 | 14 |
| 3 | Елімай | 6 | 10-5 | 12 |
| 4 | Оқжетпес | 7 | 11-8 | 12 |
| 5 | Қызылжар | 7 | 10-6 | 11 |
| 6 | Ұлытау | 6 | 7-5 | 11 |
| 7 | Ақтөбе | 7 | 8-8 | 10 |
| 8 | Астана | 6 | 9-8 | 9 |
| 9 | Жетісу | 6 | 6-8 | 8 |
| 10 | Атырау | 6 | 4-3 | 7 |
| 11 | Жеңіс | 7 | 3-8 | 7 |
| 12 | Ертіс | 7 | 8-10 | 6 |
| 13 | Қайсар | 7 | 3-7 | 5 |
| 14 | Алтай | 7 | 3-6 | 4 |
| 15 | Тобыл | 6 | 5-12 | 2 |
| 16 | Каспий | 6 | 2-9 | 1 |
