"Ақтөбе" құрамындағы соңғы өзгерістер
Олар Бағдат Каиров, Асланбек Кәкімов, Антон Шурыгин, Игорь Трофимец, Әбілхан Әбдікәрімов, Игорь Бойчук, Мұхамбет Тамабай және Саят Жұмағали. Нұрбол Жұмашев пен Евгений Дяденко бойынша әзірге нақты шешім жоқ, қазір оларды басты командаға немесе дубль құрамына жіберу мәселесі шешіліп жатыр. Көріп отырғандарыңыздай, бұл тізімде Дидар Жалмұқан мен Абат Айымбетов жоқ. Естуімізше, Абат пен Дидар басқа клубтардың ұсыныстарын қарастырып жатқан көрінеді. Келіссөздері сәтті шығып жатса, қос ойыншыны басқа командалардың бірінен көріп қалуымыз ғажап емес.
Командада нақты қалған қазақстандықтарға келер болсақ, Кирилл Шестаков пен Самат Отарбаевпен келісім-шарт ұзартылды. Рақымжан Розыбакиев және Дамир Даутов шартнамаға қолдарын қойып үлгерді. Қандастарымыз Берік Айтбаев, Рафкат Аслан, Бауыржан Байтана әлі де болса қаралымда, бірақ келісімге келулері бек мүмкін. Жанкүйер құлағын елең еткізген және бір трансфер бар, әрине Марат Хайруллинның командаға қайта оралуы, басшылық Мараттың командаға Түркияда қосылатынын растады. Командада әлі де болса көк төлқұжаты бар ойыншылар болары анық.
Легионерлер жайлы сұрақтарға әлі нүкте қою ерте. Бас бапкер Игорь Рахаев мырза әзірге тек Вук Митошевич пен Неманья Николичпен келіссөз жүріп жатыр деген еді, қалған легионерлердің аттары айтылмады, бір анығы, олар Түркиядағы оқу-жаттығу жиынына жиналмақ. Ол жерде былтырғы легионерлер де болулары мүмкін немесе мүлде жаңа легионерлерді көріп қалуымыз ғажап емес.
Командадан толығымен Егор Азовский мен Виктор Крюков кетті.
| № | Команда | И | М | О |
|---|---|---|---|---|
| 1 | Қайрат | 7 | 11-3 | 15 |
| 2 | Ордабасы | 7 | 12-6 | 15 |
| 3 | Елімай | 7 | 12-7 | 13 |
| 4 | Оқжетпес | 7 | 11-8 | 12 |
| 5 | Астана | 7 | 11-9 | 12 |
| 6 | Қызылжар | 7 | 10-6 | 11 |
| 7 | Жетісу | 7 | 8-8 | 11 |
| 8 | Ұлытау | 7 | 7-7 | 11 |
| 9 | Ақтөбе | 7 | 8-8 | 10 |
| 10 | Атырау | 7 | 5-5 | 7 |
| 11 | Жеңіс | 7 | 3-8 | 7 |
| 12 | Ертіс | 7 | 8-10 | 6 |
| 13 | Қайсар | 7 | 3-7 | 5 |
| 14 | Тобыл | 7 | 7-13 | 5 |
| 15 | Алтай | 7 | 3-6 | 4 |
| 16 | Каспий | 7 | 3-11 | 1 |
