Ақтөбе облысының әкімі футзалдан Қазақстан Ұлттық құрамасымен кездесті

Кездесу орталық стадионның баспасөз орталығында өтті. Басқосуда өңір басшысы алғаш болып өзі сөз алды. Ол алғысөзінде Сербияда өткен футзалдан Еуропа чемпионатының қола жүлдесін жеңіп алған барлық ойыншылар мен бапкерлік штабтың ерен еңбегін атап өтті. Өңір басшысы бас команданың барлық ойындарын жіті бақылағанын, Қазақстанның әрбір жанкүйері секілді, өзінің де командаға шынайы жанкүйер болғанын жеткізді. Қазақстан құрамасының өте жақсы деңгейде ойнағанын тілге тиек етті. Команданың жеңіске жетуіне зор еңбек сіңірген бас бапкер Рикардо Камара Собрала (бізге Какау деген атпен белгілі) екендігін облыс әкімі баса айтты.

Өз кезегінде құрама бапкері Какау облыс басшысына осынша көрсеткен құрметіне алығыс білдіріп, әкімнің қолдауымен жергілікті «Інжу» командасы еліміздің белді клубтарымен терезесі тең жағдайда тайталаса алатын командаға айналар деген үмітін білдірді. Одан бөлек Какау жақында өткен Еуропа чемптонатынан алған әсерлерімен бөлісті. Ойыншылар мен бапкерлік штаб бүкіл елдің қолдауларын сезінгендерін айтты: 

- Жанкүйерлердің қолдауынсыз біз осы Еуропа чемпионатында бағындырған белесімізге жете алмас едік. 
Бұдан соң Қазақстан құрамасының бас бапкері Б. Сапарбаевқа артында 04 деген өңірлік кодты білдіретін, өңір басшысының фамилиясы жазылған ұлттық құраманың жейдесін сыйға тартты. Ал негізгі қақпашы Игита әкімге «Қайрат» ШФК барлық ойыншыларының қолы қойылған допты тарту етті. 
Бердібек Машбекұлы да өз кезегінде ұлттық құрама ойыншыларына ұлттық нақышта безендірілген кәдесый сыйлады. 

«Ақтөбе» ФК шағын футболдан Қазақстан құрамасына алдағы уақыттарда да осындай зор табыстарға жете берулеріне тілектестік білдіреді. Ақ-қызылдар ұлттық құраманы тағы бір мәрте құттықтайды, құраманың халықаралық деңгейде жеткен жетістігін зор мақтанышпен еске алып жүретін болады. 

"Ақтөбе" ФК